Skilur ekki gagnrýnina

Framherjinn háleggjaði Peter Crouch hjá Liverpool segist ekkert skilja í þeirri hörðu gagnrýni sem hann hefur orðið fyrir að undanförnu vegna markaþurrðar með Liverpool og enska landsliðinu.

"Stuðningur áhorfenda hefur orðið til þess að ég læt gagnrýnina ekki á mig fá, en ég verð að viðurkenna að mér þykir fólk mjög neikvætt í minn garð. Það fylgir því kannski að vera leikmaður stórliðs. Þá er maður sífellt á milli tannana á fólki ef maður skorar ekki mörk, en á meðan ég hef stuðning stjórans, liðsfélaganna og áhorfenda, læt ég þetta ekki á mig fá," sagði Crouch.