Owen með tvö í sigri Newcastle

Newcastle lyfti sér upp í 10. sæti ensku úrvalsdeildarinnar í knattspyrnu í kvöld með 3-0 sigri á W.B.A. en þetta var eini leikurinn á dagskrá deildarinnar í dag. Michael Owen skoraði tvívegis fyrir Newcastle en hann sneri aftur eftir meiðsli og er greinilega liðinu afskaplega þýðingamikill. Alan Shearer gulltryggði sigurinn með þriðja markinu 20 mínútum fyrir leikslok.

Newcastle hefur nú unnið 4 leiki af síðustu 6 og gert eitt jafntefli og virðist á réttri leið eftir hræðilega byrjun á tímabilinu. Westbrom er hins vegar í fjórða neðsta sæti með 8 stig.