Jafnt hjá Chelsea og Charlton

Nú er kominn hálfleikur í flestum leikjunum í enska deildarbikarnum. Staðan í leik Chelsea og Charlton er 1-1, þar sem John Terry og Darren Bent skoruðu undir lok hálfleiksins. Eiður Smári er í byrjunarliði Chelsea í kvöld.

Manchester United hefur yfir 2-0 gegn Barnet, sem hafa leikið manni færri nær allan háfleikinn, Leiceister hefur yfir gegn Cardiff 1-0, jafnt er hjá Grimsby og Newcastle 0-0, eins og hjá Bolton og West Ham. Þá er Everton undir 1-0 á heimavelli gegn Middlesbrough, þar sem Jimmy Floyd Hasselbaink skoraði mark gestanna.