Ensk lið á höttunum eftir Helguera

Nú er talið líklegt að spænski landsliðsmaðurinn Ivan Helguera, sem verið hefur á mála hjá Real Madrid undanfarin ár, gangi jafnvel til liðs við enskt úrvalsdeildarfélag þegar félagaskiptaglugginn á Englandi opnar um áramótin. Helguera hefur ekki náð samkomulagi við Real Madrid um framlengingu á samningi sínum, en hann rennur út á þessu ári. Breskir fjölmiðlar telja að Manchester United, Liverpool og Newcastle muni reyna allt sem í þeirra valdi stendur til að krækja í Spánverjann reynda, en hann getur spilað bæði sem miðvörður og sem miðjumaður. Eflaust svo gengi Real þessa dagana ekki til að halda í Helguera, því liðið tapar hverjum leiknum á fætur öðrum þrátt fyrir að vera hlaðið stórstjörnum.