Edu frá í 6 mánuði

Brasilíski miðjumaðurinn Edu sem gekk í raði spænska knattspyrnuliðsins Valencia frá Arsenal á dögunum meiddist alvarlega á æfingu í dag og missir fyrir vikið af nær öllu tímabilinu á Spáni. Edu sleit krossband í vinstra hné í dag og þarf nú að gangast undir uppskurð að sögn læknis félagsins. Edu fór á frjálsri sölu frá Arsenal í sumar eftir að samningur hans þar rann út og átti að leika fyrsta leik sinn með nýja félaginu heima fyrir um næstu helgi þegar keppni hefst í La Liga. Hann hefur þó leikið með liðinu í Intertoto keppninni en nú er ljóst að hann verður frá keppni í a.m.k. 6 mánuði.