Grafið undan embætti umboðsmanns

"Dómsmálaráðherra hefur kallað Umboðsmann Alþingis "álitsgjafa", "mann úti í bæ" og niðurstöður hans "lögfræðilegar vangaveltur" og "fræðilegar vangaveltur"," segir Ágúst Ólafur. "Eins og kemur fram í skýrslunni hefur umboðsmaður neyðst til þess að setja sér skriflegar samskiptareglur gagnvart stjórnvöldum í kjölfar reiðisímtals þáverandi forsætisráðherra, Davíðs Oddssonar. Það er alveg sambærilegt og ef menn væru að hringja í dómara. Auðvitað ætti umboðsmaður Alþingis ekki að þurfa að setja sér skriflegar samskiptareglur við stjórnvöld en ef menn beita sínu áhrifavaldi svona neyðumst við til að fara í þennan farveg," segir Ágúst Ólafur.