Fréttir

„Þetta er mikið á­fall fyrir okkur fjöl­skylduna“

Bóndi á Reykjabúi í Mosfellsbæ segir einn mann hafa verið að verki í innbroti á býlið aðfaranótt mánudags, maðurinn hafi borið fugla út sem síðar hafi þurft að aflífa. Hann hafi skilið eftir bréf þar sem hann hafi afsakað gjörðir sínar. Bóndinn segir um mikið áfall að ræða.

Innlent

Ætla að senda fleiri hælis­leit­endur á brott

Leiðtogar Evrópusambandsins hafa komist að samkomulagi um ný lög sem ætlað er að umbreyta innflytjenda- og hæliskerfi sambandsins. Meðal annars felur samkomulagið í sér að flýta brottflutningi fólks sem hefur verið meinað um hæli, að reisa móttökustöðvar fyrir farandfólk utan ríkja ESB, styðja þau ríki sem fá hvað mest af farand- og flóttafólki og að hraða ferlinu öllu.

Erlent

Nýtt og mikið golfs­væði í Hafnar­firði komið á veg

Hafnfirðingar eru komnir vel á veg með hugmyndavinnu sem snýr að gríðarlega metnaðarfullri uppbyggingu á golfsvæði í Snókalöndum við Bláfjallaveg. Gert er ráð fyrir uppbyggingu hvorki meira né minna en þriggja valla – tveggja 18 holu valla og eins 12 holu vallar – ásamt öflugu æfingasvæði, innanhússaðstöðu og öðrum nauðsynlegum innviðum.

Innlent

Brotist inn í Reykjabú og annað „mani­festó“ skilið eftir

Brotist var inn í Reykjabú í Mosfellsbæ þar sem ræktaðir eru kalkúnar og kjúklingar og skemmdarverk unnin á býlinu aðfaranótt mánudags. Skilið var eftir „manifesto,“ svokallaða stefnuyfirlýsingu, samskonar og skilin var eftir í innbroti í svínabú Stjörnugríss í upphafi maímánaðar.

Innlent

Skaðabótasjóður Trumps í hættu

Donald Trump ætlar að hætta við stofnun sjóðs sem ætlað er að greiða fólki skaðabætur vegna meintrar vopnvæðingar réttarkerfis Bandaríkjanna gegn því. Ætlanir dómsmálaráðuneytisins um stofnun sjóðsins hafa verið harðlega gagnrýndar af bæði Demókrötum og Repúblikönum og þá meðal annars á þeim grundvelli að með honum vildi Trump gefa bandamönnum sínum peninga skattgreiðenda.

Erlent

Vilja eyða ó­vissunni um bein Jónasar

Hópur sem vinnur að kvikmynd um ævi þjóðskáldsins Jónasar Hallgrímssonar segist vilja eyða óvissunni um bein hans. Þess vegna hafi hópurinn beðið um að fá að grafa beinaleifar hans upp í Þjóðargrafreitnum á Þingvöllum, taka úr þeim sýni og senda í DNA-greiningu.

Innlent

Sex úr sömu fjöl­skyldu skotnir til bana

Sjö einstaklingar fundust látnir í bænum Muscatine í Iowa í Bandaríkjunum í gær, allir af völdum skotsára. Meðal þeirra var grunaður árásarmaður en fórnarlömbin virðast öll hafa tengst honum fjölskylduböndum.

Erlent

Áfram­haldandi á­tök í Líbanon þrátt fyrir sam­komu­lag

Átök héldu áfram í Líbanon í nótt þrátt fyrir að Ísraelar og Hezbollah hafi samþykkt tillögu Bandaríkjamanna um staðbundið vopnahlé. Hezbollah gerði í nótt þrjár árásir á ísraelska skriðdreka og hermenn nærri þorpum í norðurhluta Ísrael og ríkismiðlar í Líbanon hafa greint frá árásum Ísraela í suðurhluta landsins.

Erlent

Báðu um að fá að grafa upp Jónas Hall­gríms­son

Hópur sem telur fræðafólk, fjölmiðlafólk, listafólk og kirkjunnar fólk hefur óskað eftir því við Þingvallanefnd að fá leyfi til að taka sýni úr beinaleifum þjóðskáldsins Jónasar Hallgrímssonar sem þar hvílir í þjóðargrafreitnum.

Innlent

Flugeldaverksmiðja sprakk í loft upp

Kröftug höggbylgja braut glugga og olli skemmdum á húsum í margra kílómetra fjarlægð eftir að eldur kom upp í flugeldaverksmiðju á Möltu. Röð öflugra sprenginga varð í kjölfarið og tveir eru á sjúkrahúsi með áverka af völdum höggsins.

Erlent

Lítið breyst á fimm­tán árum

Foreldrar barna með skarð í vör og góm segja fátt grípa þau þegar börn þeirra fæðast. Við taki mikil óvissa og yfirsýn skorti í málaflokknum þar sem ekkert formlegt teymi heldur utan um mál þessara barna. Breytingar þurfi að verða.

Innlent

Flug­menn lagt fram fleytilausn og staðan sögð erfið

Enn einni flugferð Icelandair var aflýst í morgun þar sem flugmenn fengust ekki á vaktina. Ferðin átti að vera til Zurich í Sviss en frá því að kjaradeilu félagsins og flugmanna þess var vísað til ríkissáttasemjara í upphafi mánaðar hefur alls tuttugu brottförum frá Keflavík verið aflýst, eða samanlagt fjörutíu ferðum til og frá landinu.

Innlent

Höggið verði mikið fyrir ríkis­stjórnina segi þjóðin nei

Það verður mikið högg fyrir ríkisstjórnina segi þjóðin nei við aðildarviðræðum við Evrópusambandið í þjóðaratkvæðagreiðslunni í ágúst. Niðurstaðan muni hafa mikil áhrif á ríkisstjórnarsamstarfið að sögn stjórnmálafræðings og þar verði Samfylkingin ekki undanskilin þrátt fyrir að hún hafi ekki beitt sér mikið í málinu.

Innlent

Miðvinstristjórn mynduð í Dan­mörku

Danir fá nýja ríkisstjórn rúmlega tveimur mánuðum eftir kosningar. Mette Frederiksen starfandi og væntanlega tilvonandi forsætisráðherra greindi frá þessu síðdegis í dag.

Erlent

Engar vís­bendingar um kvikusöfnun en ríf­lega sjö hundruð skjálftar

Íbúar á suðvesturhorni landsins fundu margir vel fyrir snörpum jarðskjálfta sem reið yfir á öðrum tímanum í dag. Benedikt Halldórsson, fagstjóri jarðskjálftavár á Veðurstofu Íslands, segir skjálftana vera hluta af því sem kalla mætti „hefðbundna jarðskjálftavirkni vegna flekahreyfinga“ og að það séu engar vísbendingar um kvikusöfnun og þar af leiðandi ekki von á eldgosi bráðlega.

Innlent

Fleiri bitnir af hundunum

Tveir lausir Border Collie-hundar réðust á fólk við Reynisvatn í Grafarholti um helgina. Þá fóru í það minnsta tvö upp á slysadeild í kjölfar árásanna en nú hafa fleiri sögur sem hljóða svipað litið dagsins ljós. Fjöldi fólks hefur lýst áhyggjum af þessum hundum og hafa margir sagt eiganda þeirra vanhæfan. Mál þar sem hundar bitu fólk rötuðu inn á borð MAST um helgina og var á laugardaginn kallað á lögregluna vegna hundanna.

Innlent

Hags­munir barna á­gæt­lega tryggðir í „baga­legu óyndisúrræði“

Snorri Másson þingmaður sem blístrað var á og hrópað á meðan hann stóð í ræðustól Alþingis segist skilja að fólk hafi mikla sannfæringu fyrir sínum málstað en að jaðarskoðanir á hlutverki stjórnvalda í landamæraeftirliti vegi þyngra en hagsmunagæsla barna í augum þess hóps sem hefur lagst hvað harðast gegn frumvarpinu.

Innlent

„Þá þurfum við að gera miklu betur“

Geðheilbrigðismálum innan fangelsiskerfisins er stórlega ábótavant að mati framkvæmdastjóra Geðhjálpar. Lögmaður manns sem lést í fangelsinu á Hólmsheiði um helgina kallar eftir því að eftirlit og geðheilbrigðisþjónusta innan fangelsa verði rannsökuð. 

Innlent

Skortur á að­stoð, mót­mæli og högg­staður á ríkis­stjórn

Lögmaður manns sem lést í fangelsinu á Hólmsheiði um helgina kallar eftir því rannsókn verði hafin á eftirliti og geðheilbrigðisþjónustu innan fangelsa. Við fjöllum um málið í kvöldfréttum og ræðum við framkvæmdastjóra Geðhjálpar sem segir að fangar fái ekki aðstoð við hæfi.

Innlent

Enn ekkert spurst til Hákonar

Enn hefur ekkert spurst til Hákonar Þórs Elmers, hins 53 ára föður sem hvarf sporlaust af flugvelli í Búdapest í apríl. Jón Gnarr, þingmaður Viðreisnar, vekur nú athygli á mannshvarfinu en Hákon er bróðursonur hans. 

Innlent

Hafnar á­sökunum um nýtt hernaðar­brölt Japana

Ráðamenn víða um Asíu hyggja á aukna hernaðaruppbyggingu og þá að miklu leyti vegna áhyggja af gífurlegri uppbyggingu í Kína. Kínverjar kalla eftir samstöðu gegn nýju hernaðarbrölti Japana, sem hafna slíkum ásökunum og benda á uppbygginguna í Kína.

Erlent

Stærsti skjálfti á svæðinu síðan 2022

Skjálftinn sem fannst á suðvesturhorninu klukkan korter í tvö og mældist 4,5 að stærð átti upptök sín vestur af Húsmúla við Hellisheiði. Náttúruvársérfræðingur Veðurstofu Íslands, Jóhanna Malen Skúladóttir, segir skjálftann vera þann stærsta á svæðinu síðan 2022. 

Innlent

Mót­mælendur trufluðu þingfund

Mótmælendur trufluðu þingfund dagsins þegar Snorri Másson, þingmaður Miðflokksins, tók til máls um frumvarp dómsmálaráðherra um brottfararstöð. Hlé var gert á fundinum.

Innlent

Mest lesið