Ísland er komið á EM í Póllandi á næsta ári. Þetta er níunda Evrópumótið sem íslenska liðið kemst á í röð.
Íslensku strákarnir unnu sem kunnugt er 10 marka sigur á Ísrael í gær, 24-34, en úrslit annarra leikja þýða að þeir eru komnir á EM.
Tvö efstu liðin í hverjum riðli í undankeppninni fara í lokakeppnina auk liðsins sem er með bestan árangur í 3. sæti.
Tapi Ísland fyrir Svartfjallalandi á sunnudaginn í lokaleik sínum í undankeppninni og lendi í 3. sæti riðilsins kemst liðið samt á EM en ekkert lið getur náð sama stigafjölda og Ísland sem er komið með sjö stig.
Uppfært: Samkvæmt nýjustu upplýsingum er það enn ekki öruggt að Ísland sé komið á EM, eins og sagt er frá hér. Það gæti þó skýrst betur eftir leiki sem fara fram í öðrum riðlum í undankeppni EM í kvöld.
Strákarnir komnir á EM
Tengdar fréttir
Umfjöllun: Ísrael - Ísland 24-34 | Skyldusigur í Ísrael
Fyrir utan smá hikst í upphafi leiks lenti Ísland ekki í vandræðum í Ísrael.
Þolinmæðisverk að brjóta niður lið Ísraels
Ísland mætir Ísrael ytra í mikilvægum leik í undankeppni EM 2016.
Serbar náðu í stig | Úrslitaleikur á sunnudag
Svartfjallaland var hársbreidd frá því að vinna Serbíu í riðli Íslands í undankeppni EM 2016.
Feginn að sleppa með alla heila heim
Ísland vann auðveldan tíu marka sigur á Ísrael ytra í gær, 34-24. Landsliðsþjálfarinn fagnar því fyrst og fremst að hafa klárað verkefnið með sóma en fram undan er úrslitaleikur gegn Svartfjallalandi á sunnudag.
