Lögreglumál

Lögreglumál

Fréttir af verkefnum lögreglunnar á Íslandi.

Fréttir í tímaröð

Fréttamynd

Nauðgaði sofandi sam­býlis­konu sinni og tók myndir

Karlmaður hefur verið úrskurðaður í gæsluvarðhald til 9. október vegna gruns um áralangt gróft ofbeldi í garð sambýliskonu sinnar. Hann er meðal annars grunaður um að hafa nauðgað konunni ítrekað á meðan hún svaf en myndir af slíku athæfi fundust í síma hans við rannsókn málsins.

Innlent
Fréttamynd

Tveir á vinnupalli sem hrundi

Tilkynnt var um vinnuslys í Þingholtsstræti í miðbæ Reykjavíkur upp úr hádegi í dag. Samkvæmt lögreglu hrundi vinnupallur við hús.

Innlent
Fréttamynd

Niður í ellefu ára bruni um á allt að 100 kíló­metra hraða

Mikið áhyggjumál er að börn allt niður í ellefu ára bruni um á allt að hundrað kílómetra hraða um götur og holt og hæðir víða á höfuðborgarsvæðinu að mati lögreglunnar. Börnum á rafmagnskrossurum bregður oftar fyrir en áður sem sé foreldravandamál að mati aðstoðaryfirlögregluþjóns umferðardeildar.

Innlent
Fréttamynd

Barn á raf­magn­s­krossara sótt af for­eldrum sínum

Lögreglu barst tilkynning um glæfralegan akstur bifhjóls í Mosfellsbæ í gær. Ungur ökumaður ók þar um á rafmagnskrossara, ekki með skráningarnúmer. Því mátti hann ekki aka á akbraut. Lögregla stöðvaði akstur hans en hann var ekki með aldur til að vera í umferðinni. Foreldrar komu og sóttu hann á vettvang. 

Innlent
Fréttamynd

Vill þyngja hámarksrefsingu fyrir að kaupa vændi af barni

Dómsmálaráðuneytið leggur til í nýju frumvarpi að ekki verði lengur hægt að ljúka vændiskaupabrotum með lögreglustjórasekt heldur leiði þau til útgáfu ákæru og dómsmáls. Einnig er lagt til að hámarksrefsing fyrir að kaupa vændi af barni verði hækkuð úr tveggja ára fangelsi í fjögur ár. 

Innlent
Fréttamynd

Missti stjórn á bílnum og hafnaði á vegg

Lögreglunni á stöð fjögur, sem sinnir verkefnum í Grafarvogi, Mosfellsbæ og í Árbænum, barst tilkynning um bíl utan vegar en í ljós kom að ökumaður hafði misst stjórn á bílnum og hafnað á vegg. Sá hinn sami hlaut þó einungis minni háttar áverka en fjarlæga þurfti bílinn með kranabifreið. Ekki liggur fyrir hvort um hraðakstur eða grun um akstur undir áhrifum áfengis eða vímuefna hafi verið að ræða.

Innlent
Fréttamynd

Börnin segja hóp manna hafa elt þau og boðið nammi

Foreldrar í Árbæ hafa ráðist í skipulagt foreldrarölt eftir að nokkur börn greindu frá hópi karlmanna sem eltu börnin í hverfinu. Foreldri segir málið á borði lögreglu og hvetur íbúa til að taka þátt í foreldrarölti.

Innlent
Fréttamynd

Tuttugu lögðu ó­lög­lega

Lögreglan þurfti að sinna fjölda ökumanna í nótt sem voru í órétti. Að undanskildu einu innbroti er dagbók lögreglu í dag undirlögð umferðarlagabrotum.

Innlent
Fréttamynd

Fluttur á lög­reglu­stöð til að sanna hver hann væri

Lögreglan á höfuðborgarsvæðinu sinnti í dag útkalli þar sem ökumaður var handtekinn vegna gruns um akstur undir áhrifum áfengis og fíkniefna. Sá reyndist einnig vera með hníf á sér og án ökuréttinda. Þegar farþegi í bílnum neitaði að framvísa skilríkjum var hann fluttur á lögreglustöð eitt til þess að sanna hver hann væri.

Innlent
Fréttamynd

Eftir­lýstur og með vopn á sér

Eftirlýstur einstaklingur var handtekinn og vistaður í fangaklefa Lögreglunnar á höfuðborgarsvæðinu í nótt eftir að lögregla hafði af honum afskipti og fann á honum vopn.

Innlent
Fréttamynd

Sjö um borð þegar bíll valt á Barðastrandarvegi

Þyrla Landhelgisgæslunnar var kölluð út vegna bílveltu á Barðastrandarvegi á fimmta tímanum í dag en einn var fluttur á Borgarspítalann til aðhlynningar. Alls voru sjö í bílnum sem valt tvisvar eða þrisvar sinnum og fór betur en á horfðist en allt tiltækt lið lögreglu, slökkviliðs og björgunarsveita á svæðinu var kallað á vettvang.

Innlent
Fréttamynd

KR-ingar harma sundátökin: „Mikil­vægt að við hlúum hvert að öðru“

Alvarlegt atvik sem kom upp í gær, þar sem sundþjálfari hjá KR var handtekinn vopnaður hnífi grunaður um að hafa ráðist á kollega sinn, er á afar viðkvæmu stigi. Það er einnig í vinnslu hjá samskiptaráðgjafa íþrótta- og æskulýðsstarfs og hjá lögreglu. Í tölvupósti frá félaginu segir að nú sé mikilvægt að sýna samhug og hlúa hvert að öðru.

Innlent
Fréttamynd

Sund­þjálfari KR með hníf á lofti fyrir lykilfund sund­fólks

Sundþjálfari hjá KR var handtekinn vopnaður hnífi grunaður um að hafa ráðist á kollega sinn hjá Gróttu fyrir stefnumótunarfund Sundsambands Íslands í Íþróttamiðstöðinni í Laugardal í gær. Forseti ÍSÍ lítur málið alvarlegum augum og hlúði að sundþjálfaranum sem slasaðist á vettvangi.

Innlent
Fréttamynd

Viðar Örn gaf Sæ­vari Louis Vuitton-tösku

Vinir Sævars Arnar Hilmarssonar, sakbornings í Dettifossmálinu, báru skýrslu fyrir dómi í dag til þess að svara fyrir ýmsan varning sem lögreglan lagði hald á, meðal annars Rólex-úr, Louis Vuitton-tösku og Kawasaki-mótorhjól. Meðal vitna var þjóðþekktur knattspyrnumaður.

Innlent
Fréttamynd

Þurftu að keyra á hnífamann sem slóst við lög­reglu

Lögreglunni á höfuðborgarsvæðinu barst í gærkvöldi tilkynning um mann sem réðst á annan og ógnaði honum með hníf. Að því loknu ók hann á brott. Lögregluþjónar fundu hann í umferðinni og hófst þá eftirför, sem endaði með því að taka þurfti manninn úr umferð með því að aka á bíl hans, samkvæmt lögreglunni.

Innlent
Fréttamynd

Drengirnir hafi látið vita af sér

Drengirnir tveir sem lýst var eftir í morgun hafa látið vita af sér en lögregla leitar þeirra enn. Strákarnir eru fimmtán og fjórtán ára. Lögregla lýsti eftir þeim að beiðni barnaverndar en þeir fóru frá heimilum sínum fyrir fjórum dögum, á sunnudag. 

Innlent

Mest lesið