Íþróttir

Fréttamynd

Schwarzer stendur í marki Boro

Nú líður senn að því að úrslitaleikurinn í Evrópukeppni félagsliða milli Sevilla og Middlesbrough fari að hefjast og búið er að tilkynna byrjunarliðin. Mark Schwarzer stendur á ný í marki Middlesbrough eftir meiðsli og þeir Jimmy Floyd Hasselbaink og Mark Viduka eru í fremstu víglínu. Fredi Kanoute er á varamannabekk Sevilla, en hann var tæpur fyrir leikinn vegna meiðsla.

Sport
Fréttamynd

Arsenal með hæstu sjónvarpstekjurnar

Í dag var birtur listi yfir sjónvarpstekjur félaganna í ensku úrvalsdeildinni á tímabilinu 2005-2006. Arsenal er í efsta sætinu á listanum og á það að mestu að þakka árangur sinn í meistaradeild Evrópu. Englandsmeistarar Chelsea eru í öðru sæti listans, Liverpool í þriðja og Manchester United í fjórða sætinu.

Sport
Fréttamynd

Chris Paul nýliði ársins með yfirburðum

Í dag var staðfest að leikstjórnandinn Chris Paul hjá New Orleans Hornets hefði hlotið nafnbótina nýliði ársins í NBA deildinni eins og greint var frá fyrir nokkru. Paul var nálægt því að hljóta einróma kosningu, en allir utan einn af þeim 125 sem kusu, völdu hann í fyrsta sætið. Deron Williams hjá Utah Jazz hlaut efsta sætið hjá einum þeirra.

Sport
Fréttamynd

Coppell framlengir við Reading

Knattspyrnustjórinn Steve Coppell hefur framlengt samning sinn við Íslendingaliðið Reading um eitt ár, en liðið leikur sem kunnugt er í ensku úrvalsdeildinni á næstu leiktíð eftir að hafa unnið fyrstu deildina með miklum yfirburðum. Coppell var fyrir vikið kjörinn stjóri ársins í deildinni. "Það var aldrei spurning fyrir mig að skrifa undir nýjan samning," sagði Coppell.

Sport
Fréttamynd

Ósáttur við miðastuldinn

Rafa Benitez hefur skorað á enska knattspyrnusambandið að bregðast betur við atburðunum sem áttu sér stað á föstudaginn síðasta, þegar 1600 miðum á úrslitaleik Liverpool og West Ham í enska bikarnum var stolið í Liverpool. Benitez segir lið sitt ekki mega við því að missa þessa stuðningsmenn af pöllunum um helgina.

Sport
Fréttamynd

Einar tekur við ÍBV

Einar Jónsson hefur verið ráðinn þjálfari Íslandsmeistara ÍBV í DHL-deild kvenna í handknattleik fyrir næstu leiktíð og tekur hann við af Alfreð Finnssyni sem stýrt hefur liðinu undanfarin tvö ár. Einar kemur úr röðum Fram, þar sem hann hefur starfað sem leikmaður og þjálfari síðustu ár. Þetta kemur fram á heimasíðu ÍBV.

Sport
Fréttamynd

Óskar áfram með Val

Handknattleiksdeild Vals hefur sent frá sér tilkynningu á heimasíðu sinni þar sem fram kemur að Óskar Bjarni Óskarsson muni halda áfram að þjálfa liðið á næstu leiktíð og sé reiðubúinn að skrifa undir nýjan tveggja ára samning. Þá hefur félagið náð samkomulagi við hornamanninn Baldvin Þorsteinsson um að framlengja samning hans um tvö ár.

Sport
Fréttamynd

Miami - New Jersey í beinni á NBA TV

Annar leikur Miami Heat og New Jersey Nets verður sýndur í beinni útsendingu á NBA TV sjónvarpsstöðinni á Digital Ísland klukkan 12 á miðnætti í kvöld. Miami þarf nauðsynlega á sigri að halda í kvöld eftir að hafa tapað fyrsta leiknum illa á heimavelli sínum.

Sport
Fréttamynd

Hneykslaður á tilboði Tottenham

Paul Jewell hjá Wigan hefur staðfest að Tottenham hafi spurst fyrir um bakvörðinn Pascal Chimbonda strax eftir lokaleikinn í ensku úrvalsdeildinni um síðustu helgi, en var hneykslaður yfir þeirri upphæð sem Lundúnaliðið bauð í hann. Chimbonda er nær örugglega talinn vera á förum frá Wigan í sumar.

Sport
Fréttamynd

Við erum litla liðið í úrslitaleiknum

Steve McClaren segir að spænska liðið Sevilla verði klárlega talið sigurstranglegra í úrslitaleiknum í Evrópukeppni félagsliða í kvöld, en segist ekkert hafa á móti því að sínir menn verði taldir litla liðið fyrir leikinn. Bein útsending verður frá leiknum á Sýn í kvöld og hefst hún klukkan 18:00.

Sport
Fréttamynd

Roader fær undanþágu

Nú stendur fátt í vegi fyrir því að Glenn Roader fái að taka við stjórn Newcastle eftir allt saman, en beiðni félagsins um að vita honum undanþágu sem knattspyrnustjóra var hafnað á dögunum. Roader hefur ekki tilskilin leyfi til að stýra liði í úrvalsdeildinni, en stjórnarformaður Newcastle hefur nú hlotið stuðning kollega sinna í deildinni um að hleypa Roader að og mun hann afla sér tilskilinna réttinda meðfram starfi sínu sem knattspyrnustjóri.

Sport
Fréttamynd

Alan Smith gæti orðið klár í september

Alex Ferguson, stjóri Manchester United, segir að miðjumaðurinn Alan Smith gæti mögulega verið orðinn góður af meiðslum sínum í september í haust, en ef hann byrjar að spila þá eins og áætlað er, yrði það sjö mánuðum eftir að hann fótbrotnaði mjög illa í bikarleik gegn Liverpool. "Ég hef trú á því að hann snúi aftur í byrjun september. Hugarfar hans er ótrúlegt og meiðslin virðast engin áhrif hafa á andann í drengnum," sagði Alex Ferguson í viðtali í dag.

Sport
Fréttamynd

Thompson og Henchoz látnir fara

Paul Jewell, knattspyrnustjóri Wigan, hefur ákveðið að endurnýja ekki samninga þeirra Stephane Henchoz og David Thompson og eru þeir því á leið frá félaginu í sumar. Þá hefur félagið skilað hinum unga Reto Ziegler aftur til Tottenham, en hann hafði verið á lánssamningi hjá félaginu í nokkra mánuði.

Sport
Fréttamynd

Eiður hefur ekki rætt við Blackburn

Arnór Guðjohnsen, faðir og umboðsmaður Eiðs Smára Guðjohnsen, segir að engar viðræður hafi farið fram milli Eiðs og forráðamanna Blackburn Rovers eins og fram hefur komið í breskum fjölmiðlum undanfarið. Eiður á eins og er í viðræðum við Chelsea um framtíð sína. Þetta kemur fram á vef Sky-sjónvarpsstöðvarinnar.

Sport
Fréttamynd

Dallas burstaði meistarana

Dallas Mavericks vann í nótt nokkuð óvæntan stórsigur á meisturum San Antonio á útivelli í öðrum leik liðanna í undanúrslitum Vesturdeildarinnar 113-91 og jafnaði metin í einvíginu í 1-1. Avery Johnson gerði miklar breytingar á liði sínu fyrir leikinn og þær skiluðu sér svo sannarlega í nótt, þar sem heimamenn sáu aldrei til sólar.

Sport
Fréttamynd

Auðveldur sigur Detroit

Ógnarsterkt lið Detroit Pistons virðist til alls líklegt í úrslitakeppni NBA í ár og í gærkvöld valtaði liðið öðru sinni yfir Cleveland Cavaliers 97-91, þó gestirnir hafi náð að laga stöðuna til muna undir lokin vegna einbeitingarleysis leikmanna Detroit. Staðan í einvíginu er því orðin 2-0 fyrir Detroit.

Sport
Fréttamynd

Ronaldo sáttur við að vera áfram

Brasilíski framherjinn Ronaldo hjá Real Madrid segist vel geta hugsað sér að vera áfram í herbúðum félagsins á næsta tímabili, en talið var víst að hann yrði jafnvel seldur í sumar. Ronaldo segir hlutina væntanlega koma betur í ljóst eftir HM í sumar og þá þegar nýr forseti hefur verið kosinn hjá spænska liðinu.

Sport
Fréttamynd

OPNA Reykjavíkurmeistaramótið hefst í dag

OPNA Reykjavíkurmeistaramót Akkúrat og Höfðabíla hefst í dag klukkan fjögur og byrjar keppnin á gæðingaskeiði PP1 ungl, ungm, og 1. fl, meistara á kappreiðavelli. Þetta mót er án efa eitt af þeim stærri sem haldin eru á þessu ári, en það stendur yfir til sunnudags.

Sport
Fréttamynd

Rick Adelman látinn fara

Vefsíðan Sacramento Bee í Bandaríkjunum hefur í kvöld eftir heimildarmönnum sínum að síðar í kvöld verði haldinn blaðamannafundur hjá liði Sacramento Kings þar sem þjálfara liðsins verði sagt upp störfum. Samningur hans við félagið er að renna út og verður ekki endurnýjaður ef marka má þessar nýjustu fregnir.

Sport
Fréttamynd

Haukar unnu fyrsta leikinn

Haukar lögðu Fylki 32-28 í fyrsta úrslitaleik liðanna um deildarbikarinn í handbolta í kvöld, en það lið sem fyrr vinnur tvo leiki verður bikarmeistari. Það var ekki síst fyrir stórleik Birkis Ívars Guðmundssonar í markinu að Haukarnir höfðu sigur og getur liðið því tryggt sér bikarinn með sigri í næsta leik sem fram fer í Árbænum á fimmtudag.

Sport
Fréttamynd

Robson verður ekki rekinn

Stjórnarformaður West Brom, sem nýlega féll úr ensku úrvalsdeildinni, tilkynnti í kvöld að knattspyrnustjóri félagsins, Bryan Robson, yrði áfram við stjórn hjá félaginu. Formaðurinn sagði stöðugleika lykilinn að því að ná árangri og sagðist ekki hafa trú á því að það að reka stjórann væri endilega besta lausnin í stöðunni.

Sport
Fréttamynd

Manchester United hafði betur

Portúgalski vængmaðurinn Cristiano Ronaldo tryggði Manchester United 1-0 sigur á Glasgow Celtic í kvöld í sérstökum kveðjuleik til heiðurs Roy Keane. Ronaldo skoraði sigurmarkið í upphafi síðari hálfleiks eftir laglegan undirbúning frá Ryan Giggs. Roy Keane spilaði síðari hálfleikinn í treyju Manchester United að viðstöddum nálægt 70.000 áhorfendum á Old Trafford í Manchester.

Sport
Fréttamynd

Watford og Leeds mætast í úrslitum

Nú er ljóst að það verða Watford og Leeds United sem leika til úrslita um laust sæti í ensku úrvalsdeildinni næsta haust, eftir að Watford gerði markalaust jafntefli við Crystal Palace í síðari leik liðanna í undanúrslitum í kvöld. Watford vann fyrri leikinn 3-0 á útivelli og því var alltaf á brattann að sækja fyrir lærisveina Ian Dowie í kvöld.

Sport
Fréttamynd

Logi skoraði 6 mörk í sigri Lemgo

Íslendingaliðið Lemgo vann góðan 30-25 sigur á sterku liði Flensburg í þýsku úrvalsdeildinni í handbolta í kvöld. Logi Geirsson skoraði 6 mörk fyrir Lemgo, en Ásgeir Örn Hallgrímsson komst ekki á blað. Leikurinn var sýndur í beinni útsendingu á Sýn.

Sport
Fréttamynd

Boðar reglubreytingar á næsta ári

David Stern, framkvæmdastjóri NBA deildarinnar, hefur viðurkennt að reglurnar sem notast var við til að raða liðum inn í úrslitakeppnina í vetur hafi verið gallaðar og segir að til standi að breyta þeim á næsta tímabili.

Sport
Fréttamynd

McClaren vill klára dæmið með stæl

Juande Ramos, þjálfari Sevilla frá Spáni, segist búast við erfiðum leik þegar lið hans mætir Middlesbrough í úrslitaleik Evrópukeppni félagsliða annað kvöld, en það verður einmitt síðasti leikur McClaren sem stjóri Middlesbrough. Leikurinn verður sýndur í beinni útsendingu á Sýn.

Sport
Fréttamynd

Stuðningsmenn Liverpool sitja í súpunni

Nokkrir af stuðningsmönnum Liverpool gætu nú þurft að sætta sig við að missa af úrslitaleiknum í enska bikarnum í Cardiff um næstu helgi eftir að fjöldi miða á leikinn voru á meðal þess sem stolið var úr sendibíl frá póstinum í miðborg Liverpool á föstudaginn. Miðarnir hafa þegar verið gerðir ógildir en miðasalan í Cardiff hefur neitað að gera aðra miða í stað þeirra sem stolið var og því missa stuðningsmennirnir líklega af leiknum vegna þessa leiðindaatviks.

Sport
Fréttamynd

Nadal stefnir óðum að metinu

Spænski tenniskappinn Rafael Nadal stefnir nú hraðbyri að meti Guillermo Vila yfir flesta sigurleiki í röð á leirvelli, en í dag vann hann sinn 48. leik í röð þegar hann lagði Carlos Moya í fyrstu umferð Masters-mótsins í Róm. Nadal vann sigur 6-1,2-6 og 6-2 og getur náð meti Vila ef hann ver titil sinn frá í fyrra á mótinu.

Sport
Fréttamynd

Tottenham heimtar annan leik

Forráðamenn Tottenham í ensku úrvalsdeildinni hafa nú ritað formanni deildarinnar bréf og farið þess á leit að leikur liðsins við West Ham í lokaumferð mótsins á sunnudag verði endurtekinn í kjölfar þess að flestir leikmenn Tottenham þjáðust af matareitrun daginn sem leikurinn fór fram. Tottenham tapaði leiknum og missti fyrir vikið af sæti í meistaradeildinni.

Sport
Fréttamynd

Snæfell ræður bandarískan þjálfara

Úrvalsdeildarlið Snæfells í körfubolta hefur ráðið til starfa bandarískan þjálfara að nafni Geof Kotila, sem kemur hingað til lands síðar í sumar og mun stýra liðinu næsta vetur. Kotila þessi hefur áður getið sér gott orð meðal annars í Danmörku, þar sem hann stýrði liði Bakken Bears. Þetta kemur fram á heimasíðu Snæfells.

Sport

Mest lesið