Eva bætti hvert metið á fætur öðru

Greint er frá árangri Evu á samfélagsmiðlareikningi Golfsambands Íslands en nú er nýlokið Illini Womens´s Invitational-mótinu þar sem Eva endaði í sjöunda sæti á alls átta höggum undir pari.

Með góðri frammistöðu sinni bætti Eva tvö skólamet Iowa-háskólans, bæði yfir 36 og 54 holur. Þá jafnaði hún metið yfir besta skorið á átján holum.

Eva fékk einn örn, þrettán fugla og sjö skolla á hringjunum þremur en einungis þrír kylfingar sóttu fleiri högg á völlinn í mótinu en Eva.

Hún var besti kylfingur Iowa-háskólans á mótinu en lið skólans endaði í níunda sæti af fimmtán liðum.