Handbolti

Ó­fært frá Eyjum og leiknum frestað

Valur Páll Eiríksson skrifar
Eyjamenn sitja veðurtepptir í Heimaey.
Eyjamenn sitja veðurtepptir í Heimaey.

Lægð yfir suðvesturhorninu gerir að verkum að ófært er til og frá Vestmannaeyjum. Leik Fram og ÍBV í Olís-deild karla í handbolta sem átti að fara fram í kvöld hefur því verið frestað.

ÍBV átti að sækja Fram heim í Úlfarsárdalinn í kvöld í þriðju umferð Olís-deildarinnar en ekkert verður af þeim fyrirætlunum. Eyjamenn eru fastir í Heimaey þar sem ófært er milli Vestmannaeyja og meginlandsins.

Leikurinn fer þess í stað fram á morgun klukkan 17:30 samkvæmt tilkynningu frá HSÍ.

Framarar eru með fullt hús stiga eftir fyrstu tvo leikina og unnu sterkan útisigur á Íslandsmeisturum Vals í síðasta leik. ÍBV er með tvö stig eftir að hafa unnið Selfoss í Eyjum í síðasta leik.

Fimm leikir eru á dagskrá í Olís-deildinni í kvöld og þar ber hæst norðanslagur KA og Þórs klukkan 19:00.

Olís-deild karla Fram ÍBV

Mest lesið


Fleiri fréttir

Sjá meira


×

Mest lesið