Von­brigði, götulokanir í al­myrkva og handbolta-hástökkvari

Þá sjáum við myndir frá Japan þar sem kröftugur jarðskjálfti reið yfir í morgun. Fólk er enn fast inni í verslunarmiðstöð sem hrundi að hluta og björgunarstörf standa yfir.

Við hittum einnig Stjörnu-Sævar og segjum frá víðtækum götulokunum sem verða í Reykjavík og á Seltjarnarnesi þegar almyrkvinn stendur yfir. 

Auk þess sjáum við nýjar myndir frá stjórnlausum gróðureldum í Evrópu og Kristján Már Unnarsson skoðar friðlýstu tjörnina Kattarauga – þar sem gullkista er sögð leynast á botninum.

Í Sportpakkanum hittum við handboltamann sem sló ekki slöku við í sumarfríinu. Hann byrjaði að stunda hástökk og stóð uppi sem Íslandsmeistari í greininni um helgina.

Þetta og fleira á samtengdum rásum Sýnar, Vísis og Bylgjunnar klukkan 18:30.