Fyrir­liði Njarð­víkur til Vals

Valur tilkynnti um skiptin í kvöld. Tómas Bjarki gengur til liðs við Val eftir að yfirstandandi leiktíð lýkur.

Tómas Bjarki er 22 ára gamall miðjumaður og fyrirliði Njarðvíkur en hann hefur ekkert spilað á leiktíðinni vegna krossbandaslita. Ekki er víst að hann spili aftur fyrir Njarðvíkinga en vera má að hann nái sér ekki að fullu fyrr en á undirbúningstímabili næsta árs, þegar hann verður orðinn leikmaður Vals.

Valsmenn taka fram í tilkynningu um félagaskiptin að félagið hafi háð baráttu við önnur lið hér heima um undirskrift eftirsótts Tómasar Bjarka og miklar vonir bundnar við hann í rauðu.

Valur er í 5. sæti Bestu deildar karla með 19 stig eftir 16 leiki. Liðið hefur tapað öllum þremur deildarleikjum þess undir stjórn Chris Brazell sem tók við af Hermanni Hreiðarssyni fyrr í þessum mánuði.

Liðið vann þó Zrinjski Mostar frá Bosníu í Sambandsdeildinni í vikunni og næsti leikur liðsins er við það sama lið ytra á fimmtudag.

Halldór Árnason verður orðinn þjálfari Vals þegar Tómas Bjarki gengur í raðir Vals, en hann tekur við liðinu eftir leiktíðina.