Sport

Endur­komur hjá kærustu­parinu: „Þakk­lát og hamingju­söm“

Óskar Ófeigur Jónsson skrifar
Birna Kristín Kristjánsdóttir var sú eina sem stökk yfir sex metra og tryggði sér sinn fjórða Íslandsmeistaratitil í langstökki kvenna.
Birna Kristín Kristjánsdóttir var sú eina sem stökk yfir sex metra og tryggði sér sinn fjórða Íslandsmeistaratitil í langstökki kvenna. @birnakristink

Birna Kristín Kristjánsdóttir kom sterk til baka á Meistaramóti Íslands í frjálsum í gær og tryggði sér Íslandsmeistaratitilinn í langstökki. Þetta var sannkallað endurkomumót fyrir heimilið.

Birna Kristín stökk lengst 6,26 metra og var sú eina sem fór yfir sex metra. Birna stökk 57 sentimetrum lengra en næsta kona sem var Irma Gunnarsdóttir.

Það hafði mikið reynt á þessa öflugu frjálsíþróttakonu enda gekk illa hjá henni að losna við meiðsladrauginn. Birna Kristín var því mjög sátt með helgina og líka sátt með kærasta sinn Elvar Karl Auðunsson.

Birna Kristín Kristjánsdóttir og Elvar Karl Auðunsson ánægð með uppskeru laugardagsins.@birnakristink

„Þakklát og hamingjusöm eftir gærdaginn. 2x Íslandsmeistari eftir erfið meiðsli síðastliðna 4 mánuði. Gaman að fá að enda tímabilið á jákvæðum nótum,“ skrifaði Birna Kristín sem hjálpaði einnig FH-liðinu að vinna 4x100 metra boðhlaupið.

Hún benti líka á endurkomu kærasta síns. Elvar Karl Auðunsson vann brons í 100 metra hlaupi.

„Einnig stolt af mínum manni sem nældi sér í 3. sætið í 100 m eftir fjögurra ára pásu frá frjálsum,“ skrifaði Birna.

Elvar Karl vann bronsið með allra minnsta mun því hann var aðeins 0,001 sekúndu á undan Gabríel Glóia Freyssyni sem varð fjórði.

Frjálsar íþróttir

Mest lesið


Fleiri fréttir

Sjá meira


×

Mest lesið