Íslenski boltinn

Fyrsti sigur ÍR-inga síðan á Þjóðhátíðar­deginum

Óskar Ófeigur Jónsson skrifar
Emil Nói Sigurhjartarson skoraði fyrsta mark ÍR-inga í dag.
Emil Nói Sigurhjartarson skoraði fyrsta mark ÍR-inga í dag. Vísir/Óskaró

Bikarblúsinn er ekki farinn úr Árbænum. Fylkismenn töpuðu á grátlegan hátt í vítakeppni í undanúrslitum Mjólkurbikars karla í fótbolta á þriðjudagskvöldið og náðu ekki að rífa sig í gang í nágrannaslag í Lengjudeildi karla í dag.

Fylkismenn heimsóttu Þarfaþingsvöllinn í Mjóddinni og töpuðu 2-0 á móti heimamönnum í ÍR.

Mörk ÍR-liðsins skoruðu Emil Nói Sigurhjartarson og Orri Bjarkason, Emil á 30. mínútu en Orri stuttu eftir hálfleik.

Fylkismenn voru búnir að vinna þrjá deildarleiki í röð en tapið þýðir að liðinu mistókst að komast upp í toppsæti deildarinnar.

ÍR-ingar höfðu ekki fagnað sigri í síðustu sex leikjum og unnu sinn fyrsta sigur síðan 17. júní eða í meira en mánuð. Breiðhyltingar en þeir komust upp fyrir Grindvíkinga og upp í 9. sæti deildarinnar.

Lengjudeild karla ÍR Fylkir

Mest lesið


Fleiri fréttir

Sjá meira


×

Mest lesið