Handbolti

Bein út­sending: Dregið í riðla á HM í Þýska­landi

Sindri Sverrisson skrifar
Strákarnir okkar hefja HM í Magdeburg í janúar.
Strákarnir okkar hefja HM í Magdeburg í janúar. EPA/JOHAN NILSSON

Það skýrist í dag hvaða liðum Ísland mætir á HM karla í handbolta þegar dregið verður í riðla fyrir mótið sem fram fer í Þýskalandi í janúar á næsta ári. Bein útsending frá drættinum er á Vísi.

Dregið verður í riðla í München klukkan 16 að íslenskum tíma og má sjá dráttinn í spilaranum hér að neðan.

Gestgjafar HM, Þjóðverjar, hafa þegar ákveðið að Ísland verði í H-riðli sem spilaður verður í Magdeburg.

Ísland er í efsta styrkleikaflokki og getur því ekki fengið aðra þjóð úr þeim flokki í sinn riðil en fær einn mótherja úr 2., 3. og 4. flokki.

1: Ísland, Danmörk, Þýskaland, Króatía, Portúgal, Svíþjóð, Egyptaland, Argentína.

2: Frakkland, Slóvenía, Noregur, Serbía, Spánn, Ítalía, Færeyjar, Norður-Makedónía

3: Grikkland, Pólland, Brasilía, Barein, Túnis, Grænhöfðaeyjar, Síle, Bandaríkin

4: Katar, Kúveit, Japan, Alsír, Angóla, Úrúgvæ, Tyrkland, Sádi Arabía.

Þrjú af fjórum liðum úr H-riðlinum komast áfram í milliriðil og spila þar með þremur liðum úr G-riðli, í Hannover. Í þeim riðli eru meðal annars ríkjandi meistarar Danmerkur.

Alls spila 32 lið á HM, í átta fjögurra liða riðlum. Þrjú lið fara áfram úr hverjum riðli og myndast þá fjórir sex liða milliriðlar. 

Úr hverjum milliriðli komast tvö lið áfram í 8-liða útsláttarkeppni sem öll fer fram í Lanxess Arena í Köln.

HM karla í handbolta 2027 Landslið karla í handbolta

Mest lesið


Fleiri fréttir

Sjá meira


×

Mest lesið