Vísi­tala heildarlauna hækkaði um 4,9 prósent

Frá þessu er greint í tilkynningu frá Hagstofunni en þar kemur enn fremur fram að á sama tímabili hafi vísitala launakostnaðar hækkað um 5,0 prósent.

Fleira kemur ekki fram í tilkynningu Hagstofunnar.

Almennt mælir Hagstofan þrjár vísitölur við launaþróun: launavísitölu, vísitölu grunnlauna og svo vísitölu heildarlauna, sem hér um ræðir. Í þeirri mælingu gætir meðal annars áhrifa breytinga á samsetningu vinnuafls og hlutfalli yfirvinnustunda. Allar byggja þær á tímakaupi.

Vísitala heildarlauna byggir á staðgreiðslugögnum og er reiknuð með því að deila summu allra staðgreiðsluskyldra launa með heildarfjölda greiddra stunda. Hún sýnir breytingar á heildarlaunum fyrir greidda stund og því geta ýmsir þættir, auk breytinga á föstum launakjörum, haft áhrif; til að mynda breyting á hlutfalli vinnuafls með há og lág laun, breyting á hlutfalli yfirvinnustunda eða breytingar á tilfallandi eingreiðslum. 

Vísitala heildarlauna nær til alls launafólks sem fær greidd laun frá launagreiðenda með tíu eða fleiri starfsmenn. Undanskildir eru þeir sem starfa við fiskveiðar og landbúnað, atvinnurekstur innan heimilis til eigin nota og starfsemi stofnana og félagasamtaka með úrlendisrétt, samkvæmt vef Hagstofunnar.