Jón Þór nýr yfirlögfræðingur Lands­bankans

Jón Þór lauk lögfræðiprófi frá Háskóla Íslands árið 2003 og BS-gráðu í viðskiptafræði frá American University of Rome árið 2000. Hann er auk þess með lögmannsréttindi og verðbréfaréttindi. 

Í tilkynningu frá bankanum segir að yfirlögfræðingur eigi mikilvægan þátt í að styðja við hlutverk bankans um að vera traustur banki fyrir farsæla framtíð viðskiptavina. Í ráðningarferlinu var litið til þess að góður yfirlögfræðingur þarf að vera lausnamiðaður og hafa áhuga og skilning á framþróun nútímalegrar bankaþjónustu.

„Jón Þór hefur skýra og metnaðarfulla sýn á þau tækifæri sem felast í því að þróa áfram lögfræðiþjónustu bankans til stuðnings stefnu hans og markmiðum. Hann hefur öðlast verðmæta reynslu í fjölbreyttum störfum innan bankans, hefur góða yfirsýn yfir fjármálamarkaðinn og mætir sterkur til leiks,“ er haft eftir Lilju Björk Einarsdóttur, bankastjóra Landsbankans.