Mikið tap á rekstri HSÍ: „Veru­legar á­hyggjur“

Skuldir HSÍ í heild sinni í árslok 2025 námu 145 milljónum íslenskra króna og eru þær allar til skamms tíma, til greiðslu innan næstu tólf mánaða, en horfurnar á þessu ári eru ekki góðar og búist við 33 milljóna króna tapi.

Stjórn HSÍ hefur fundað með mennta- og barnamálaráðherra vegna stöðunnar sem upp er komin. Þar var óskað eftir stuðningi sem hefur ekki enn skilað sér. Það er mat stjórnar HSÍ að ríkið þurfi að koma með aukna fjármuni að borðinu ef halda á uppi sambærilegu afreksstarfi og hefur verið undanfarin ár.

„Stjórn hefur verulegar áhyggjur af fjárhagsstöðu HSÍ,“ segir í greinargerðinni. Taprekstur og skóinn kreppir verulega að. 

„Ekki er unnt að draga meira saman hjá sambandinu nema að höggva í afreksstarf,“ segir í greinargerð með ársreikningi. Slík ákvörðun muni hafa áhrif á samkeppnishæfni íslensku landsliðanna til framtíðar.

Ársþing HSÍ fer fram á föstudaginn næstkomandi en hér má nálgast ársreikning sambandsins fyrir árið 2025 sem og greinargerð með ársreikningnum.