NFL-stjarna giftist heims­meistara

Hinn 29 ára gamli Slayton hefur spilað sjö tímabil í NFL-deildinni, öll með New York-liðinu, en hin 25 ára gamla Hall varð heimsmeistari í Tókýó í fyrra eftir að hafa unnið silfur og brons á tveimur heimsmeistaramótum þar á undan.

„Það er ótrúleg tilfinning að vita að ég hafi verið hluti af einhverju svo sérstöku frammi fyrir Guði og fjölskyldu,“ sagði Slayton við Vogue um brúðkaupsdaginn.

Anna Hall náði í 6888 stig í sjöþrautinni á HM í Tókýó 2025 eða 174 stigum meira en silfurhafinn. Hún hefur mest náð 7032 stigum í einni þraut en aðeins heimsmethafinn Jackie Joyner-Kersee (7291 stig) hefur náð í fleiri stig í sögunni.

Hjónin héldu brúðkaup sitt í Oheka-kastala, sögulegu setri á Gullströnd Long Island.

NFL-stjarnan tilkynnti um trúlofun sína og Hall, sem keppti á Ólympíuleikunum í París 2024 og lenti í fimmta sæti í sjöþraut það árið, í sameiginlegri Instagram-færslu þann 14. nóvember 2025.

Þegar þau rifjuðu upp fyrstu kynni sín fyrir Vogue sögðu þau að Slayton hefði hafið sambandið með einföldum Instagram-fylgismell.

„Ég hafði séð hana hlaupa í sjónvarpinu og þegar hún birtist á skjánum fannst mér hún falleg, svo ég fylgdi henni á Instagram,“ rifjaði Slayton upp.

Þegar kom að bónorðinu á frjálsíþróttavelli í New York fór Slayton með þau aftur á staðinn þar sem þau hittust fyrst í eigin persónu.

„Ég fór með hana aftur á sama leikvang í New York þar sem við höfðum hist og bað hennar á hlaupabrautinni,“ sagði hann.

„Hann sagði mér að við værum að fara á stefnumót í borginni, sem við gerum oft,“ sagði Hall. „Svo ég hugsaði ekkert meira um það fyrr en hann sagði mér að hann ætlaði að klæða sig upp. Þá varð ég svolítið grunsamleg, því hann klæðir sig aldrei upp! Þegar bíllinn stoppaði við Icahn-leikvanginn í stað veitingastaðar þá vissi ég það fyrir víst,“ sagði Hall.

Þegar Slayton lítur til baka á brúðkaupið aðeins viku síðar bætir hann við að athöfnin og veislan virðist nú þegar eins og „draumur“.

„Það er erfitt að trúa því að eitthvað svona hafi verið raunverulegt,“ sagði hann við Vogue. „En það var það og það er ótrúleg tilfinning að vita að ég hafi verið hluti af einhverju svo sérstöku frammi fyrir Guði og fjölskyldu.“