Guð­jón Valur stýrði Gummersbach til sigurs í ellefta leiknum í röð

Gummersbach mætti á útivöll og vann sex marka sigur, 37-31, eftir að hafa skorað 21 mark í fyrri hálfleiknum og leitt þá með níu mörkum, 21-12.

Gummersbach var komið níu mörkum yfir í hálfleik.

Gummersbach hefur unnið alla deildarleiki sína frá því um miðjan desember þegar liðið tapaði tveimur leikjum í röð. Eftir sigurinn er liðið í fjórða sæti aðeins einu stigi frá því þriðja.

Liðið vann tvo síðustu leiki sína fyrir EM-fríið og hefur síðan unnið alla níu deildarleiki sína eftir að keppni hófst á ný eftir Evrópumótið.

Íslenski landsliðslínumaðurinn Elliði Snær Viðarsson var kominn með fjögur mörk í hálfleik og endaði með fimm mörk. Teitur Örn Einarsson skoraði þrjú mörk úr þremur skotum.

Blær Hinriksson skoraði fimm mörk fyrir Leipzig og átti líka þrjár stoðsendingar.