Æfir kennarar og varað við verðstýringu

Við skoðum einnig verðbólguaðgerðir ríkisstjórnarinnar sem hafa verið gagnrýndar. Framkvæmdastjóri Samtaka verslunar og þjónustu sakar ríkisstjórnina um sýndaraðgerðir samhliða skattalækkun á eldsneyti og varar við því að ríkið sé að opna á verðstýringu.

Þá heldur Berghildur Erla heldur áfram að flytja okkur tíðindi af Norðurlandinu, bregður sér á prestastefnu og ræðir við biskup Íslands um það sem ber hæst.

Við hittum einnig ellefu ára snilling sem hefur hannað stærðfræðitölvuleik fyrir skólafélaga sína, en honum finnst stærðfræðibækur hundleiðinlegar og engan veginn nógu hvetjandi fyrir krakka. Og hvað gerir maður þá? Jú, hannar tölvuleik! Allt um málið í kvöldfréttum.

Við sjáum svo VÆB bræður frumflytja nýtt lag Barnamenningarhátíðar og í sportinu heyrum við í Stefáni Árna sem verður í Keflavík. Liðið þar er með bakið upp við vegg fyrir fjórða leikinn gegn Val í úrslitakeppni Bónus deildarinnar í körfubolta. Það er von á spennu og drama í kvöld.

Í Íslandi í dag fer Sindri upp á Skaga þar sem barn hefur orðið fyrir rasisma og reynir að komast að því hvort það sé erfiðara að vera öðruvísi úti á landi.

Þetta og margt fleira á samtengdum rásum Sýnar, Vísis og Bylgjunnar klukkan 18:30.