Ó­veðrið hefur á­hrif á flugáætlun Icelandair

Allar brottfarir frá Keflavíkurflugvelli snemma í fyrramálið séu sem stendur á áætlun en breytingar hafi verið gerðar á nokkrum flugferðum frá Keflavíkurflugvelli síðla morguns.

„Við erum búin að aflýsa þremur ferðum til Kaupmannahafnar, Stokkhólms og Amsterdam. Svo hefur öðrum ferðum ýmist verið seinkað, eins og til sólarstaðanna Faro, Barcelona, Nice og Tenerife, eða flýtt, eins og flugi til London Gatwick og Parísar.“

Áfram sé fylgst náið með stöðinni sem geti enn tekið breytingum. Aðstæður verða metnar út frá því hvernig veðrið þróast og liggja frekari upplýsingar fyrir í fyrramálið, að sögn Ásdísar.

Bjóða innanlandsfarþegum að breyta bókunum

Varðandi innanlandsflugið þá hefur farþegum sem áttu bókað flug á morgun verið boðið að breyta bókun sinni án viðbótarkostnaðar, að sögn Ásdísar. Þá hafi aukaflugferðum verið bætt við á þriðjudag til Akureyrar, Egilsstaða, Ísafjarðar og Hafnar í Hornafirði.

„Við bara fylgjumst svo með og sjáum hvernig þetta þróast á morgun, hvaða flug verða á áætlun og svo framvegis. En við erum byrjuð að grípa til fyrirbyggjandi aðgerða og gera nokkrar breytingar,“ bætir Ásdís við.

Farþegar séu hvattir til að passa upp á að vera með rétt símanúmer og netfang skráð svo Icelandair geti komið upplýsingum til þeirra með greiðum hætti ef breytingar verða á ferðaáætlun.

Fréttin er í vinnslu.