Handbolti

Naumt for­skot hjá Janusi og fé­lögum

Sindri Sverrisson skrifar
Janus Daði Smárason kveður Pick Szeged í sumar og heldur til Barcelona.
Janus Daði Smárason kveður Pick Szeged í sumar og heldur til Barcelona. Getty/Sina Schuldt

Landsliðsmaðurinn Janus Daði Smárason og félagar í ungverska liðinu Pick Szeged eru með þriggja marka forskot eftir sigur í fyrri leik sínum við pólska liðið Kielce, í umspili í Meistaradeild Evrópu í handbolta í kvöld.

Liðin mætast aftur í Póllandi í næstu viku og þar ræðst hvort þeirra kemst í 8-liða úrslitin og mætir þar Íslendingaliðinu Magdeburg.

Janus og félagar unnu 26-23 í kvöld, eftir að staðan hafði verið 11-11 í hálfleik. Gestirnir komust yfir, 18-17, um miðjan seinni hálfleik en Pick Szeged jafnaði fljótt og endaði á að vinna með þriggja marka mun eftir að hafa skorað þrjú af síðustu fjórum mörkum leiksins.

Janus Daði skoraði þrjú mörk í leiknum en Lazar Kukic var markahæstur heimamanna með sex mörk. Hjá Kielce var hornamaðurinn Piotr Jarosiewicz markahæstur með sex mörk.

Þetta er kveðjutímabil Janusar Daða í Ungverjalandi en á dögunum var endanlega staðfest að hann færi til Barcelona í sumar.

Meistaradeild Evrópu í handbolta karla

Mest lesið


Fleiri fréttir

Sjá meira


×

Mest lesið