Birgir marka­hæstur í ó­væntum sigri

Savehof endaði í 6. sæti deildarinnar en Hammarby var í 3. sætinu og því nokkuð óvænt að sjá Savehof vinna fyrsta leik úrslitaeinvígisins. Þrjá sigra þarf til að vinna einvígið og komast áfram í undanúrslit.

Leikurinn bauð upp á mikla spennu en Savehof náði að skapa sér þriggja marka forskot fyrir lok fyrri hálfleiks.

Það var svo ekki fyrr en undir lokin sem heimamenn Hammarby náðu að minnka muninn aftur niður í eitt mark, en nær komust þeir ekki og leiknum lauk með tveggja marka sigri Savehof.

Birgir Steinn skoraði 7 mörk fyrir Savehof en David Sandberg var næstmarkahæstur með 6 mörk.

Liðin mætast aftur næsta þriðjudag á heimavelli Savehof.