Ekki fengið til­kynningu um þjóf­ótta ferða­menn í Freysnesi

Þetta segir Garðar Már Garðarsson, aðalvarðstjóri hjá Lögreglunni á Suðurlandi, í samtali við Vísi. 

Varaði aðra við

Líkt og Vísir fjallaði um í gær varaði eigandi Hótels Skaftafells og söluskálans Freysness aðra ferðaþjónustuaðila á Suðurlandi við hópi ferðamanna, sem kom að söluskálanum á húsbílaleigubílum og stakk öllu steini léttara inn á sig inni í skálanum.

Garðar Már segir laganna verði meðvitaða um málið en aðeins vegna þess að þeir lásu um það í fjölmiðlum. Engin formleg tilkynning hafi borist frá eigendum söluskálans. Til skoðunar sé að hafa samband við þá og reyna í kjölfarið að hafa uppi á þjófunum.

Þjófar handteknir við Gullfoss

Hann segir að tilkynnt hafi verið um annan hóp þjófa, sem virtist stunda vasaþjófnað við Gullfoss um helgina. Lögregla hafi ferið á vettvang og handtekið þrjá, sem virtust stunda slíka iðju, og fært á lögreglustöð. 

Þeim hafi verið sleppt að lokinni skýrslutöku en málið sé enn til rannsóknar.