Ýmir vann Íslendingaslag

Ýmir tók sitt eina skot um miðjan seinni hálfleik og skoraði úr því en Göppingen var þá á góðu áhlaupi eftir að hafa lent fjórum mörkum undir í upphafi seinni hálfleiks.

Göppingen sneri leiknum algjörlega við og náði forystunni sem dugði til sigurs.

Andri Már Rúnarsson skoraði 4 mörk og Viggó Kristjánsson skoraði 3 mörk fyrir Erlangen.

Göppingen er í 9. sæti deildarinnar en nokkuð langt frá Melsungen sem situr í 8. sætinu, eftir sigurinn í dag munar átta stigum á liðunum.

Erlangen er hins vegar í 14. sætinu, sjö stigum fyrir ofan fallsvæðið.

Leipzig og Wetzlar eru í fallsætunum tveimur, 17. og 18. sæti. Leipzig gerði 29-29 jafntefli gegn Eisenach fyrr í dag. Blær Hinriksson skoraði 6 mörk fyrir Leipzig í þeim leik. Rúnar Sigtryggsson er þjálfari Wetzlar og tókst ekki að stýra sínum mönnum til sigurs gegn RN Löwen í gær.