Foktjón á Suður­nesjum og Akra­nesi

Þetta segir Jón Þór Víglundsson, upplýsingafulltrúi Landsbjargar, í samtali við fréttastofu. 

„Þetta slapp til á höfuðborgarsvæðinu en það var hvasst víðast annars staðar um vestanvert landið. En það var leiðindafærð.“

Björgunarsveitarmenn hafi aðstoðað ökumenn í vandræðum á Þingvallavegi, í Grafningi, á Mikladal á Vestfjörðum og við Flateyrarafleggjara. Björgunarsveitir sinntu sömuleiðis mörgum vegalokunum fyrir Vegagerðina.

Snjóflóð féll í veg fyrir rútu

Á Akranesi var björgunarfélagið kallað út í tvígang vegna foktjóns og einnig var björgunarsveitin Ægir í Garði og Þorbjörn í Grindavík kallaðar út vegna foktjóns.

Björgunarsveitin Blakkur á Patreksfirði og Bræðrabandið á Rauðasandi voru kallaðar út vegna lítillar rútu í Raknadal innarlega í Patreksfirði en lítið snjóflóð hafði fallið á veginn og lokað honum. 

Bræðrabandið fór á snjóbíl og sótti fólkið upp úr miðnætti, en rútunni var snúið við og ekið til baka. Þá sinnti Blakkur flutningi á heilbrigðisstarfsfólki á Patreksfirði á þriðja tímanum í nótt.

„Deginum lauk á að fylgja sjúkrabíl yfir Vatnaleið á Snæfellsnesi en allt gekk þetta tiltölulega greiðlega,“ segir Jón Þór.