Innlent

Foktjón á Suður­nesjum og Akra­nesi

Sólrún Dögg Jósefsdóttir skrifar
Björgunarsveitirnar sinntu ýmsum verkefnum í óveðrinu í gærkvöldi.
Björgunarsveitirnar sinntu ýmsum verkefnum í óveðrinu í gærkvöldi. Vísir/Vilhelm

Yfir hundrað björgunarsveitarmenn voru ræstir út í ýmis verkefni vegna óveðursins sem skall á suðvesturhluta landsins í gær. Nokkuð var um foktjón á Suðurnesjum, Akranesi og Hvammstanga. 

Þetta segir Jón Þór Víglundsson, upplýsingafulltrúi Landsbjargar, í samtali við fréttastofu. 

„Þetta slapp til á höfuðborgarsvæðinu en það var hvasst víðast annars staðar um vestanvert landið. En það var leiðindafærð.“

Björgunarsveitarmenn hafi aðstoðað ökumenn á Þingvallavegi, í Grafningi, á Mikladal á Vestfjörðum og við Flateyrarafleggjara. 

„Deginum lauk á að fylgja sjúkrabíl yfir Vatnaleið á Snæfellsnesi en allt gekk þetta tiltölulega greiðlega,“ segir Jón Þór. 

Björgunarsveitir Veður Færð á vegum

Mest lesið


Fleiri fréttir

Sjá meira


×

Mest lesið