Snör hand­tök skiptu sköpum á Höfðatorgi

Verðbólga jókst á milli mánaða og ný fjármálaáætlun var kynnt í skugga þess. Uppsagnir opinberra starfsmanna eru boðaðar. Við ræðum við fjármálaráðherra og þingmenn stjórnarandstöðunnar í beinni.

Aftakaveður var víðast hvar á landinu í dag. Skólastarf riðlaðist og samgöngur lágu niðri. Við hittum þá sem örkuðu út í veðrið, sjáum myndir og gerum upp daginn í beinni.

Tímamótadómur féll í máli þar sem andleg veikindi ungrar konu voru rakin til notkunar á samfélagsmiðlunum Instagram og Youtube. Við förum yfir þýðingu þess fyrir starfsemi miðlanna og ræðum við sérfræðing í myndveri.

Þá fer Kristján Már yfir vendingar í máli Hvammsvirkjunar og við kíkjum á páskaeggjagerð. Við hittum einnig fótboltamanninn Sævar Atla sem vonar að það birti nú til eftir ítrekuð meiðsli.

Í Íslandi í dag skoðar Vala Matt flottar strípur sem Einar Bárðar og félagar eru farnir að láta setja í sig eftir vel heppnaða hárígræðslu.

Þetta og margt fleira á samtengdum rásum Sýnar, Vísis og Bylgjunnar klukkan 18:30.