Rihanna stóð á milli Péturs og þriggja milljóna

Það má með sanni segja að Pétur hafi farið mikinn í þættinum. Pétur fór í gegnum öll fimm þrepin og átti aðeins eftir að svara einni spurningu til að fara heim með milljónirnar þrjár.

Þá var spurt um snyrtivörumerkið sem tónlistarkonan Rihanna stofnaði og gekk spurningin einfaldlega út á nafn fyrirtækisins.

Pétur var ekki viss um svarið og átti enn eftir að nýta sér eina líflínu, sem var að spyrja aðstoðarfólk sitt í salnum.

Hér að neðan má sjá hvernig til tókst hjá Pétri á lokasprettinum en hægt er að sjá alla þættina af Spurningaspretti á Sýn+.