Lífið

Tónlistarpar á von á sumarbarni

Magnús Jochum Pálsson skrifar
Ásdís og Jökull hafa verið saman síðan í mars 2023 og eiga nú von á sínu fyrsta barni saman.
Ásdís og Jökull hafa verið saman síðan í mars 2023 og eiga nú von á sínu fyrsta barni saman.

Söngkonan Ásdís María Viðarsdóttir og tónlistarmaðurinn Jökull Logi Arnarsson eiga von á barni. Parið hefur verið saman í þrjú ár og er búsett í Berlín síðustu ár þar sem þau hafa gert það gott í tónlistarbransanum.

Ásdís María, sem gengur undir listamannsnafninu Ásdís, greindi frá fregnunum í Instagram-færslu með þremur myndum af parinu. 

Við færsluna ómar lagið „Stars Are Blind“ með Paris Hilton og við hana skrifar Ásdís: „Og skyndilega er allt spennandi ❤️ barn á leiðinni í sumar“.

Gleði, gleði, gleði.

Ásdís keppti í Söngvakeppni sjónvarpsins árið 2014 með lagið „Amor“, flutti síðar til Berlínar í tónlistarnám og hefur starfað þar sem tónlistarmaður og lagahöfundur. Í dag er hún með tæplega tvær milljónir mánaðarlegra hlustenda á Spotify og hefur troðið upp víða um heim.

Ásdís samdi líka lagið „Hærra/Scared of Heights“ sem Hera Björk söng í Eurovision árið 2024 en Ásdís fylgdi Heru Björk ekki út í keppnina til að mótmæla þátttöku Ísrael í Eurovision. 

Stokkseyringurinn Jökull Logi er pródúsent og tónlistarmaður, hefur gefið út tónlist undir nafninu Jökull Logi og í samfloti með tónlistarmanninum Jasada og stofnaði nýverið eigið fatamerki, Sloj.

Barnalán Tónlist Þýskaland Tímamót Íslendingar erlendis

Tengdar fréttir

Íslensk söngkona springur út í Þýskalandi

Tónlistarkonan Ásdís María Viðarsdóttir er búsett í Berlín þar sem hún lifir sínu besta lífi og vinnur af fullum krafti í heimi tónlistarinnar. Hún hefur að mestu leyti starfað sem lagahöfundur á undanförnum árum en það þróaðist eiginlega óvart yfir í það að hún syngur nú eitt vinsælasta lagið í Þýskalandi, Dirty Dancing. Blaðamaður tók púlsinn á Ásdísi.

Ásdís og Grammy-verðlaunahafinn Purple Disco Machine í eina sæng

„Ég hef bara aldrei áður tekið þátt í neinu svona stóru,“ segir tónlistarkonan Ásdís María Viðarsdóttir. Hún hefur unnið með fjöldanum öllum af tónlistarmönnum en nýjasta samstarfsverkefni hennar er við Grammy verðlaunahafann Purple Disco Machine. 



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.