Berta Rut snýr heim í Hauka

Berta er uppalin Haukakona, eftir að hafa komið til félagsins sem táningur frá Horsens í Danmörku, og snýr nú heim á Ásvelli eftir fjögur ár erlendis.

Hún lék með Holstebro í Danmörku veturinn 2022-23 og svo hjá Kristianstad í Svíþjóð síðustu þrjú ár.

Áður en Berta fór út, þá 22 ára gömul, var hún lykilmaður í liði Hauka og hafði spilað með liðinu í Olís-deildinni í sex tímabil.

Tímabilinu er að ljúka hjá Kristianstad en liðið er í 10. sæti sænsku úrvalsdeildarinnar og ljóst að vonin um sæti í úrslitakeppninni er úti. Síðasti heimaleikur Bertu með Kristianstad verður því á föstudaginn þegar liðið tekur á móti Boden.