Innlent

Faðir um brunann á Stuðlum, upp­gjör í undir­heimum og for­sendu­brestur

Sunna Sæmundsdóttir skrifar
Kolbeinn Tumi Daðason les kvöldfréttir í kvöld.
Kolbeinn Tumi Daðason les kvöldfréttir í kvöld. vísir

Faðir drengs sem lést í eldsvoða á Stuðlum segir að kerfið sem átti að bjarga barninu sínu hafi drepið það. Við ræðum við föðurinn í kvöldfréttum og förum yfir rannsókn Húsnæðis- og mannvirkjastofnunar sem var birt í dag. Þar kemur fram að koma hefði mátt í veg fyrir mannslát ef brunavarnir hefðu verið virkar.

Stýrivextir voru hækkaðir í dag og seðlabankastjóri hefur áhyggjur af kjarasamningum sem verða endurskoðaðir í haust. Formaður VR telur allar líkur á því að forsendur verði taldar brostnar. Halla Gunnarsdóttir mætir í myndver og fer yfir málið í beinni.

Þá fjöllum við um hópárás sem er sögð tengjast uppgjöri í undirheimum auk þess sem Kristján Már Unnarsson kannar holur í vegum. Verktaki sem annast holufyllingar segir malbiksskemmdir gríðarlegar þetta árið.

Þá verðum við í beinni frá Loftskeytastöðinni þar sem ýmsir spennandi munir eru til sýnis í tilefni þess að eitt hundrað ár eru liðin frá fyrstu útvarpssendingunni. Við rýnum einnig í landsliðshópinn okkar sem var tilkynntur í dag og í Íslandi í dag fjöllum við um breytingarskeiðið sem ráðgjafi segir stundum vera tabú umræðuefni.

Þetta og margt fleira á samtengdum rásum Sýnar, Vísis og Bylgjunnar klukkan 18:30.

Kvöldfréttir

Mest lesið


Fleiri fréttir

Sjá meira


×

Mest lesið