Hættu­stigi af­lýst og rýmingu af­létt á Ísa­firði

Þetta kemur fram í færslu lögreglunnar á Vestfjörðum á Facebook, en ákveðið var að rýma atvinnuhúsnæði á Ísafirði, sem stendur við Skutulsfjörð, vegna snjóflóðahættu í gær. Óvissustig er þó enn í gildi.

Í færslu lögreglunnar segir að flestir vegir á Vestfjörðum séu nú opnir ef frá er talin Dynjandisheiði.

En hvatt er til þess að áður en lagt er af stað milli þéttbýlisstaða og landshluta séu aðstæður á vegum athugaðar áður. Það má gera annars vegar með því að skoða upplýsingar á vefsíðunni https://umferdin.is/

Þótt veðrið sé gengið niður og orðið gott er veðurspáin með þeim hætti að búast má við að grípa þurfi til vegalokana fyrir nóttina,“ segir í færslunni.

Spáð er gulri veðurviðvörun á norðvestanverðum Vestfjörðum í kvöld og í nótt. Viðvörunin tekur gildi klukkan 22 og gildir til klukkan sex að morgni fimmtudags.

„Gengur í sunnan og suðvestan 15-23 m/s með snjókomu og skafrenningi. Búast má við takmörkuðu eða lélegu skyggni og versnandi akstursskilyrðum. Afmarkaðar samgöngutruflanir og lokanir á vegum eru líklegar. Fólki er bent á að sýna varkárni og fylgjast með veðurspám,“ segir á vef Veðurstofunnar.