„Við byrjum seinni hálf­leikinn gjör­sam­lega á hælunum“

„Við vorum að byrja þennan leik á flottum krafti og vorum komnir með ágætis stjórn á okkar hlutum, varnarlega kannski sérstaklega í byrjun leiks. Sóknarlega lentum við í smá basli og algjör óþarfi að vera tveimur mörkum undir í hálfleik fannst mér. Við erum með tapaða bolta í fyrri hálfleik þar sem við erum að reyna refsa þeim eftir góða vörn og eigum að gera betur. Svo er seinni hálfleikurinn bara vonbrigði í einu orði.“

FH-ingar fóru með tveggja marka forystu inn síðari hálfleik og skoruðu svo fyrstu fimm mörk seinni hálfleiks sem gerðir verkefnið ærið fyrir heimamenn.

„Við byrjum seinni hálfleikinn gjörsamlega á hælunum og það var vont og FH liðið er bara alltof gott lið til að enda sjö mörkum undir, það er nokkuð ljóst.“

Bjarni Ófeigur Valdimarsson hefur verið að glíma við meiðsli en kom aðeins inn á völlinn í dag en það sást langar leiðir að hann er ekki heill heilsu og var Andri næst spurður út í framhaldið hjá honum.

„Það verður að taka stöðuna á honum en hann allavega er okkar maður í yfirtölu og átti að spila það í dag og gerði það en það er alltaf hægt að benda á einhverja punkta en hann er ekkert alveg hundrað prósent en hann reyndi og við höldum áfram að reyna gera hann bara hundrað prósent.“

KA mættir grönnum sínum í Þór í risastórum leik í Höllinni á Akureyri á fimmtudaginn kemur í lokaumferð deildarinnar. Þórsarar björguðu sér endanlega frá falli í kvöld en geta enn náð inn í úrslitakeppnina, á meðan KA berst um heimaleikjarétt og því mikið undir.

„Það er bara eins og alltaf þegar það er stutt á milli, við þurfum að vera áfram með kassann upp þrátt fyrir að við séum svekktir með okkar frammistöðu í dag, það eru bara hörku möguleikar að komast ágætis sæti í úrslitakeppni í boði fyrir okkur og við þurfum bara að tjasla okkur saman og gera betur enn í dag“, sagði Andri að lokum.