Úkraína gerði betur en Ís­land á móti heimsmeisturunum

Spænsku konurnar unnu 3-0 sigur á Íslandi fyrir nokkrum dögum og komust líka í 3-0 í leiknum í kvöld.

Úkraínska liðið gerði hins vegar betur en Ísland og tókst að minnka muninn í 3-1.

Íslenska liðið tapaði báðum leikjum sínum í þessum glugga og er með núll stig og marktöluna 0-5 eftir 0-2 tap fyrir ensku Evrópumeisturunum í dag.

Úkraína hélt út í 43 mínútur en í 6-1 tapinu á móti enska liðinu héldu þær út allan fyrri hálfleikinn.

Edna Imade og Lucía Corrales skoruðu báðar fyrir Spán undir lok fyrri hálfleiks og spænska liðið var því 2-0 yfir í hálfleik. Vicky López skoraði síðan þriðja markið úr vítaspyrnu á 55. mínútu.

Olha Ovdiychuk tókst að minnka muninn í 3-1 á 76. mínútu.

Ísland og Úkraína eru bæði stigalaus en á meðan markatala Íslands er 0-5 þá er markatala Úkraínu 2-9. Þær úkraínsku sitja því á botninum þrátt fyrir að hafa skorað tveimur fleiri mörk en Ísland.