Gul við­vörun á höfuð­borgar­svæðinu vegna snjó­komu

Viðvörunin tók gildi 13:55 og gildir til klukkan 19. Reikna má með talsverðri eða mikilli snjókomu, sem getur valdið umferðartruflunum.

Á vef Vegagerðarinnar segir að það muni snjóa víða á suðvestanverðu landinu eftir hádegi. Þar sem snjói mest verði blint í skafrenningi og talsverðri ofankomu.

„Það er enn nokkur óvissa hvar snjóar mest, en spáð er hríðarveðri á Reykjanesbraut og á Hringveginum norður af Hvalfirði á milli 14:00 og 19:00 Snjóar einnig og krefjandi akstursskilyrði á Hellisheiði og í Þrengslum á sama tíma,“ segir á umferdin.is.