Handbolti

Haukur með næst­flest í sigri

Sindri Sverrisson skrifar
Haukur Þrastarson er farinn að láta til sín taka í þýsku deildinni að nýju eftir ævintýrið á EM með íslenska landsliðinu.
Haukur Þrastarson er farinn að láta til sín taka í þýsku deildinni að nýju eftir ævintýrið á EM með íslenska landsliðinu. Getty/Sanjin Strukic

Haukur Þrastarson var næstmarkahæstur hjá Rhein-Neckar Löwen í sigri gegn Minden í kvöld og þeir Arnar Freyr Arnarsson og Reynir Þór Stefánsson fögnuðu sigri í Íslendingaslag, í efstu deild þýska handboltans.

Haukur var að vanda í stóru hlutverki hjá Löwen sem vann sex marka útisigur gegn Minden, 34-28, eftir að hafa verið 19-15 yfir í hálfleik.

Selfyssingurinn skoraði sjö mörk en gerði það reyndar úr fjórtán skotum. Þá átti hann tvær stoðsendingar. Þýski landsliðslínumaðurinn Jannik Kohlbacher var markahæstu rmeð tíu mörk.

Arnar Freyr og Reynir Þór voru ekki á meðal markaskorara en fögnuðu þó sigri með Melsungen gegn Göppingen, 31-23, eftir að hafa verið 16-14 yfir í hálfleik. Ýmir Örn Gíslason skoraði úr báðum skotum sínum fyrir Göppingen.

Melsungen er nú í 7. sæti með 26 stig, stigi á eftir Gummersbach sem á leik til góða. Löwen er svo í 8. sæti með 24 stig. Göppingen er í 11. sæti með 16 stig.

Þýski handboltinn

Mest lesið


Fleiri fréttir

Sjá meira


×

Mest lesið