Sport

Fjöl­skylda Patta kaus að bjóða frekar frítt inn

Sindri Sverrisson skrifar
Leikmenn beggja liða léku í treyjum merktum Patreki, í minningarleiknum á milli SR og Fjölnis á þriðjudagskvöld.
Leikmenn beggja liða léku í treyjum merktum Patreki, í minningarleiknum á milli SR og Fjölnis á þriðjudagskvöld. Mynd/Hafsteinn Þorsteinsson

Kvennalið SR og SA munu minnast Patreks Freys Sveinssonar í kvöld, þegar liðin mætast í Toppdeildinni í íshokkí í Skautahöllinni í Laugardal.

Til stóð að miðasala á leiknum yrði til styrktar fjölskyldu Patreks, eða Patta eins og hann var kallaður, en að ósk foreldra hans verður í staðinn frítt á leikinn, samkvæmt tilkynningu frá SR.

Fjölskylda Patta vill þannig sýna þakklæti fyrir þann stuðning og samhug sem henni var sýndur síðastliðið þriðjudagskvöld. Þá mættust karlalið SR og Fjölnis í leik sem gerður var að sérstökum minningarleik um Patta.

Í kvöld verður Patta einnig minnst og munu leikmenn beggja liða hita upp í treyjum með nafni og númeri hans, 12, klukkan 19:15. Fyrir leik verður einnig stutt minningarathöfn áður en leikurinn hefst svo klukkan 19:45.

Á leiknum í kvöld verður hægt að styðja við fjölskyldu Patta með því að versla af veglegum kökubasar eða taka þátt í skemmtilegu pökkakasti þar sem veglegir vinningar eru í boði.

Íshokkí

Tengdar fréttir

Mynduðu blátt P og minntust Patreks Freys

Haldinn var blár dagur í Borgarholtsskóla í dag til minningar um Patrek Frey Sveinsson sem lést í bílslysi á Miklubraut í síðustu viku. Seldar voru bláar vöfflur til styrktar fjölskyldu hans, nemendur og starfsfólk mættu í bláu og mynduðu stórt P á bílastæði skólans.

Mínútuþögn á minningarleik um Patrek Frey

Mínútuþögn var í upphafi sérstaks íshokkíleiks í kvöld sem er spilaður til minningar um Patrek Frey Sveinsson, sautján ára dreng sem lést í bílslysi á Miklubraut í síðustu viku. Leikurinn hófst klukkan 19.45 í Skautahöllinni í Laugardal og var húsfyllir í höllinni. 

Mest lesið


Fleiri fréttir

Sjá meira


×

Mest lesið