For­stjóri í beinni, her­þotur og bjór á vellinum

Við fylgjumst með sænska flughernum sem sinnir nú loftrýmisgæslu yfir Íslandi. Yfirliðsforingi segir rússneskar sprengjuflugvélar helstu ógnina. Við heyrum hávaðann í þotunum og sjáum myndir í kvöldfréttum.

Fyrirhugaðar binding á bótagreiðslum við launavísitölu hefur sætt harðri gagnrýni. Við ræðum við fulltrúa Samtaka atvinnulífsins og Alþýðusambandsins sem telja breytinguna misráðna.

Þá heyrum við í formannsframbjóðendum hjá Framsókn og verðum í beinni frá Tjörninni og fóðrum fugla með Dýravaktinni. Þar á bæ hefur fólk miklar áhyggjur af velferð fugla í frostinu og kalla eftir hjálp við fóðurkaup. Þá verðum við einnig í beinni frá Víkinni þar sem bjórsala hefur komið mönnum í vandræði. Borgarráð samþykkti í morgun að leyfa áfengissölu á íþróttaviðburðum og við athugum hvernig það leggst í Víkinga.

Þá heyrum við í hnefaleikakappanum Ronald Bjarka sem hefur unnið hvert alþjóðlega mótið á fætur öðru og í Íslandi í dag hittum við rússneskan dönskukennara við Garðaskóla. Hann talar sjö tungumál og er með fimm háskólagráður. Ekki missa af því.

Þetta og margt fleira á samtengdum rásum Bylgjunnar, Sýnar og Vísis klukkan 18:30.