Bræður selja Vagna og þjónustu eftir 40 ára rekstur

„Ég er mjög spenntur fyrir þessu verkefni og finn mikinn meðbyr meðal viðskiptavina okkar. Vörur fyrirtækisins hafa reynst frábærlega vel við íslenskar aðstæður og við sjáum mikil tækifæri í að auka þjónustu- og vöruúrvalið,“ segir Davíð Örn í tilkynningu..

Í tilkynningu um eigendaskiptin kemur fram að Vagnar og Þjónusta sérhæfi sig í framleiðslu á vörukössum í ýmsum stærðum og útfærslum ásamt sölu og þjónustu á vörulyftum frá Dhollandia. Einnig hafi fyrirtækið sérhæft sig í að annast ýmiss konar kerrusmíði, eins og hestakerrur.

„Gestur og Björn skilja við fyrirtækið eftir tæp 40 ár í góðum rekstri. Þeir bræður hafa byggt upp gott og traust fyrirtæki með framúrskarandi vörur og erum við þeim þakklátir fyrir það starf sem þeir hafa lagt í þetta undanfarna áratugi. Við tökum við keflinu af miklum krafti og ætlum að nota næstu vikur í að setja okkar handbrag á þetta, enda eigendahópurinn með víðtæka reynslu sem mun nýtast mjög vel í uppbyggingu félagsins,“ segir Snorri Arnar Viðarsson, einn hinna nýju eigenda, í tilkynningunni.