Sport

Ó­vænt bætist við Ís­lendingur á ÓL

Valur Páll Eiríksson skrifar
Sonja Lí Kristinsdóttir fagnar því eflaust að fá óvænt sæti á leikunum á Ítalíu.
Sonja Lí Kristinsdóttir fagnar því eflaust að fá óvænt sæti á leikunum á Ítalíu. Mynd/Skíðasamband Íslands

Ísland fékk í dag auka sæti í alpagreinum kvenna á Vetraólympíuleikunum sem standa yfir í Mílanó og Cortina á Ítalíu. Sonja Lí Kristinsdóttir mun keppa á leikunum.

Fjórir íslenskir keppendur á leikunum verða nú fimm þökk sé auka sæti sem Íslandi bauðst. Sonja Lí mun keppa í stórsvigi og svigi næstu daga. RÚV greinir frá.

Sonja verður tvítug í ár og er ríkjandi Íslandsmeistari í svigi. Hún mun keppa í stórsvigi á sunnudaginn kemur og svigi þremur dögum síðar.

Ísland fær sætið vegna stöðu landsins á alþjóðlegum stigalista Ólympíuleikanna. Ísland er þar með 3.028 stig sem Hólmfríður Dóra Friðgeirsdóttir vann sér og landinu inn með árangri í alþjóðlegri keppni í aðdraganda leikanna.

Hólmfríður fær þó ekki sætið en hún gagnrýndi Skíðasamband Íslands í aðdraganda leikanna þegar sambandið ákvað að hún yrði ekki send til keppni vegna meiðsla.

Skíðaíþróttir Vetrarólympíuleikar 2026 í Mílanó og Cortina

Mest lesið


Fleiri fréttir

Sjá meira


×

Mest lesið