Bana­slys á Miklu­braut og brotið leikskóla­kerfi

Við ræðum við forsætisráðherra og barnamálaráðherra um sláandi frásagnir manna sem voru í fóstri á Bakkakoti á Suðurlandi. Formaður Félags fósturforeldra segir bæði fósturforeldra og starfsfólk barnaverndar hafa upplifað algjört afskiptaleysi stjórnvalda.

Formaður Eflingar segir leikskólakerfi Reykjavíkur ekki ganga upp og bagalegt ástand þar bitna á andlegri og líkamlegri heilsu starfsfólks. Hún vill skoða að lengja fæðingarorlof foreldra. 

Vanstilltur aðflugsgeisli flugvallar var meginorsök mannskæðasta flugslyss Íslandssögunnar þegar DC 8-þota Flugleiða fórst á Srí Lanka árið 1978. Þetta er einróma mat þeirra Flugleiðamanna sem rifjuðu upp slysið í þætti Kristjáns Más Unnarssonar um pílagrímaflugið og sagt verður frá í kvöldfréttum. 

Við skoðum hvað hlýindin í janúar hafa gert fyrir plönturíkið og verðum í beinni bæði frá Bessastöðum og úr geymslum Þjóðminjasafnsins. Þá fjöllum við að sjálfsögðu um Vetrarólympíuleikana, sem eru settir í dag.