Icelandair hyggst hefja flug til Pól­lands

Í tilkynningu segir að með þessu haldi félagið áfram að efla leiðakerfi sitt og auka fjölbreytni áfangastaða, sérstaklega yfir vetrartímann.

Fram kemur að flogið verði til borgarinnar þrisvar til fjórum sinnum í viku frá 18. september 2026. Flogið verði í dagflugi og því opnist með fluginu tengingar frá Póllandi til Norður-Ameríku.

Haft er eftir Boga Nils Bogasyni, forstjóra Icelandair, að með því að efla vetraráætlun félagsins sé haldið áfram að leggja áherslu á vöxt yfir vetrarmánuðina. 

„Þannig nýtum við innviði okkar mun betur, á sama tíma og við bjóðum viðskiptavinum okkar fjölbreyttari tengingar allt árið um kring. Gdańsk er áhugaverð borg með mikla sögu og okkar fyrsti áfangastaður í Póllandi,“ segir Bogi Nils.