Fjórðungur kosið í próf­kjöri Við­reisnar

Prófkjör Viðreisnar í Reykjavík hófst á miðnætti og stendur til klukkan 18 í dag.  Prófkjörið er rafrænt á vidreisn.is og kosningarétt hafa þeir sem voru skráðir eru í Viðreisn fyrir fimmtudag, eru 16 ára eða eldri og hafa lögheimili í Reykjavík.

Klukkan 10.30 í dag höfðu um 750 manns þegar greitt atkvæði, að sögn Sverris Páls Einarssonar, formanns kjörstjórnar.

Fjórir bjóða sig fram til að leiða lista Viðreisnar í höfuðborginni; Aðalsteinn Leifsson, Björg Magnúsdóttir, Róbert Ragnarsson og Signý Sigurðardóttir.

Kjörstjórn mun senda ykkur einhverja pósta á morgun og upplýsa um kosningaþátttöku. 

Félögum í Viðreisn fjölgaði um helming frá því fyrir prófkjör og þar til skráningu lauk í gær fyrir prófkjör flokksins í Reykjavík. Alls eru félagar núna 2.943 en voru um 1.900 áður en prófkjörsbaráttan hófst.

Vísir verður svo í beinni frá kosningavöku flokksisn á Petersen í kvöld þar sem reiknað er með að úrslit verði kynnt í kringum kl. 19.10. Frambjóðendur tókust á í Pallborði Vísis á dögunum.