Rúss­neskt skip í ís­lenskri lög­sögu og nem­endur eiga erfitt með síma­bann

Við förum yfir allt varðandi málið í kvöldfréttum Sýnar á slaginu 18:30.

Þá heyrum við hvað Dönum finnst um orð Bandaríkjaforseta, sem girnist Grænland. Í gær hélt utanríkismálanefnd landsins neyðarfund vegna samskipta þeirra við Bandaríkin. 

Starfsfólk Reykjavíkurborgar hefur tekið fleiri veikindadaga síðustu þrjú ár en árin á undan. Stjórnendur telja þetta alvarlega þróun og hafa ákveðið að ráðast í sérstakar aðgerðir. Framkvæmdastjóri Viðskiptaráðs telur of algengt að fólk misnoti kerfið sem bjóði upp á það.

Skólastjóri Álftamýrarskóla segir samræður á milli nemenda hafa aukist verulega eftir að símabann var sett á í skólanum. Fátítt sé að nemendur flýi skólalóðina til að komast í símann en nemendurnir viðurkenna þó sjálfir að stundum sé erfitt að sleppa símanum.

Við verðum í beinni úr Hörpu þar sem Laurie Anderson sýnir verk í kvöld, heyrum hver hlaut Bjartsýnisverðlaunin þetta árið, sjáum krakka skella sér niður skíðabrekkuna í Ártúni í fyrsta sinn á árinu, og margt fleira.