Víkingar fengu son í jóla­gjöf

Parið greindi frá fregnunum á Instagram um áramótin.

„Vika síðan litli bróðir kom til okkar með hraði í óvæntri heimafæðingu. Við erum svo heppin að eiga lífið framundan með honum🤍,“ skrifuðu þau í færslunni.

Parið greindi frá því í sumar að von væri á prinsinum í desember með ansi skemmtilegu myndbandi þar sem mátti sjá foreldrana sýna systkinum drengsins sónarmyndir.

„Fullkomin viðbót. Hlökkum svo til að fá þig í fangið í desember,“ sagði parið þá.

Sölvi og Selma eiga dótturina Andreu Myrk, fædda árið 2020, og soninn Anton Haka, fæddan 2022. Auk þess á Sölvi tvo drengi úr fyrra sambandi.