Handbolti

Mæta Fær­eyjum í milliriðli

Ingvi Þór Sæmundsson skrifar
Lovísa Thompson og stöllur hennar í íslenska landsliðinu færa sig nú yfir til Dortmund frá Stuttgart.
Lovísa Thompson og stöllur hennar í íslenska landsliðinu færa sig nú yfir til Dortmund frá Stuttgart. epa/RONALD WITTEK

Íslenska kvennalandsliðið í handbolta mætir Færeyjum, Spáni og Svartfjallalandi í milliriðli á heimsmeistaramótinu í Þýskalandi og Hollandi.

Ísland tryggði sér sæti í milliriðli með stórsigri á Úrúgvæ í dag, 33-19.

Á sama tíma unnu Færeyjar Paragvæ, 36-25. Þar með er ljóst að mótherjar Íslendinga í milliriðlinum í Dortmund verða Færeyingar, Svartfellingar og Spánverjar. Auk þeirra verða Þjóðverjar og Serbar í milliriðlinum. Tvö efstu lið hans komast í átta liða úrslit mótsins.

Leikir Íslands í milliriðlinum verða á þriðjudaginn, fimmtudaginn og laugardaginn. Leiktímar og andstæðingar hvers dags liggja fyrir í kvöld.

Á síðasta heimsmeistaramóti komst Ísland ekki áfram í milliriðil en vann Forsetabikarinn. Íslendingar komust hins vegar áfram í sextán liða úrslit á HM 2011.

HM kvenna í handbolta 2025 Landslið kvenna í handbolta

Mest lesið


Fleiri fréttir

Sjá meira


×

Mest lesið